Internet creouse como unha rede universal de adquisición e tratamento da información. Non obstante, tamén pode supoñer unha barreira para os cidadáns con algún tipo de minusvalidez.

É por iso que dende o proxecto “Camariñas, o mar todo” [turismocamarinas.net] intentamos eliminar, na medida do posible, as barreiras máis comúns coas que se atopan os internautas de idade, con minusvalideces físicas, psíquicas, sensoriais ou cognitivas á hora de acceder ao universo web.

Durante o proceso de creación e deseño da nosa web tivéronse en conta as Pautas de Accesibilidade ao Contido na Web (WCAG), para que todos os usuarios, independentemente das circunstancias e dos dispositivos involucrados á hora de acceder á información, poidan acceder aos contidos da nosa páxina.

O formato do contido da web segue o estándar recomendado polo W3C, os elementos que constitúen o contido seguen as pautas marcadas polo nivel de prioridade AA das Directrices de Accesibilidade para Contido Web do W3C e as follas de estilo (CSS) para asignar os formatos de presentación dos contidos seguen tamén o estándar do W3C.